ஆயர் கூனிங் சட்டமன்ற இடைத் தேர்லில. தேசிய முன்னணி அமோக வெற்றிப பெறும் டத்தோஸ்ரீ சரவணன் உறுதி

தாப்பா,மார்ச் 21-
தேர்தல்கள் காலத்தில் மட்டும் அல்லாமல்.எல்லாக் காட்டத்திலும் தேசிய முன்னணி எப்போதும் மக்களுக்காக பல்வேறு சமூக நடவடிக்கைகளை மேற்கொள்கிறது.

பொதுத் தேர்தல் அல்லது இடைத்தேர்தல்களின் போது மட்டும் எதிர்க்கட்சிகளைப் போல் தேசிய்முன்னணியில் உள்ள உறுப்புக் கட்சிகள் இல்லை என்று மஇகா துணைத் தலைவர் டத்தோஸ்ரீ எம். சரவணன் கூறினார்.

நாங்கள் எப்போதும் ஆண்டு முழுவதும் சமூக நடவடிக்கைகளை நடத்துகிறோம். நாங்கள் தேர்தல்களின் போது மட்டும் நிகழ்ச்சிகளை நடத்துவதில்லை.

“எதிர்க்கட்சிகள் நேர்மையானவை அல்ல, ஏனென்றால் அவர்கள் தேர்தலுக்கான சிறப்புத் திட்டங்களை மட்டுமே ஏற்பாடு செய்கிறார்கள், தேர்தல் முடிந்ததும் அவர்கள் ஓடிவிடுவார்கள்,” என்று இங்குள்ள தாப்பா நாடாளுமன்றத் தொகுதியில் உள்ள 39 பள்ளிகளை உள்ளடக்கிய சுமார் 2,000 தொடக்கப்பள்ளி மாணவர்களுக்கான பள்ளிச் சீலுடை புத்தகப்பைகளை வழங்கும் நிகழ்வில் கலந்துக் கொண்டப் பின்னர் செய்தியாளர்களிடம் டத்தோஸ்ரீ சரவணன் அவ்வாறு தெரிவித்தார்.

இதற்கிடையில், பல்வேறு கட்சிகளிடமிருந்து பெறப்பட்ட கருத்துகளின் அடிப்படையில், அடுத்த மாதம் நடைபெறவுள்ள ஆயர் குனிங் மாநில சட்டமன்ற இடைத்தேர்தலில் தேசிய முன்னனி பெரிய வெற்றியைப் பெறும் என்று தனது கட்சி நம்பிக்கையுடன் இருப்பதாக டத்தோஸ்ரீ சரவணன் சொன்னார்.

இந்த முறை நாங்கள் அதிக பெரும்பான்மையுடன் வெற்றி பெறுவோம் என்று நான் நம்புகிறேன்,” என்று டத்தோஸ்ரீ சரவணன் நம்பிக்கை தெரிவித்தார்.

ஆயர் கூனிங் இடைத்தேர்தலுக்கான வாக்குப்பதிவு ஏப்ரல் 26 ஆம் தேதியும், வேட்பாளர் வேட்புமனு தாக்கல் மற்றும் முன்கூட்டிய வாக்களிப்பு முறையே ஏப்ரல் 12 மற்றும் 22 ஆகிய தேதிகளிலும் நடைபெறும் என தேர்தல் ஆணையம் நிர்ணயித்துள்ளது.

பினாங்கின் ஜோர்ஜ் டவுனில் உள்ள சிட்டி ஸ்டேடியத்தில் நடந்த ஃபோர் கார்னர்ஸ் கால்பந்து போட்டியில் பங்கேற்ற பிறகு பிப்ரவரி 22இல் நடப்பு நாடாளுமன்ற உறுப்பினர் இஷாம் ஷாருதீன் காலமானதைத் தொடர்ந்து ஆயர் கூனிங்கில இடைத்தேர்தல் நடைபெறவுள்ளது.

கடந்த 15ஆவது பொதுத் தேர்தலில் தாப்பா அம்னோ பிரிவுத் தலைவருமான இஷ்சாம், ஐந்து முனைப் போட்டியில் 2,213 வாக்குகள் பெரும்பான்மையுடன் வெற்றி பெற்றார் என்பது குறிப்பிடத்தக்கது.