இந்திய சமூகத்தின் மேம்பாட்டிற்குக் கூடுதலாக RM40 மில்லியன் நிதி:  மித்ரா திட்டங்களுக்கான விரிவான செலவின விவரங்கள் வெளியிடப்பட்டன

கோலாலம்பூர்,ஆக.ட19, மலேசிய இந்திய உருமாற்றுத் திட்டங்களுக்கான சிறப்புச் செயலகமான MITRA இந்திய சமூகத்தின் சமூகப் பொருளாதார மேம்பாட்டுத் திட்டங்களின் செயல்திறனை அதிகரிப்பதற்காகக் கூடுதலாக RM40 மில்லியன் நிதி ஒதுக்கியுள்ளது. இந்த நிதி, பயனாளிகளுக்கு நேரடியாகவோ அல்லது சம்பந்தப்பட்ட அரசு நிறுவனங்கள் மூலமாகவோ வழங்கப்படுவதை உறுதி செய்ய, பல புதிய திட்டங்கள் அடையாளம் காணப்பட்டுள்ளதாகத் தெரிவிக்கப்பட்டுள்ளது. இந்தக் கூடுதல் நிதி ஒதுக்கீட்டின் கீழ் செயல்படுத்தப்படவுள்ள முக்கியத் திட்டங்களின் விவரங்கள் பின்வருமாறு: RM5 மில்லியன் இந்திய கிராமங்களில் உள்கட்டமைப்பு மேம்பாட்டிற்கு வழங்கப்படும். இந்திய கிராமங்களில் உள்கட்டமைப்பு, பொது வசதிகள் மற்றும் பாதுகாப்புப் பணிகளை மேம்படுத்துவதற்காக வீட்டுவசதி மற்றும் உள்ளூராட்சி அமைச்சுக்கு வழங்கப்படும். KPKT RM5 மில்லியன் ஒதுக்கப்பட்டுள்ளது. 2025ஆம் ஆண்டு வரவுசெலவுத் திட்டத்தில் ஏற்கனவே ஒதுக்கப்பட்ட RM10 மில்லியன் நிதியிலிருந்து, அடையாளம் காணப்பட்ட 29 கிராமங்களில் 54 திட்டங்கள் தற்போது செயல்படுத்தப்பட்டு வருகின்றன. இந்த கூடுதல் நிதி, மேம்பாட்டுப் பணிகள் தடைபடாமல் இருப்பதையும், உள்ளடக்கிய வளர்ச்சி தொடர்வதையும் உறுதி செய்யும். RM5 மில்லியன் தமிழ்ப்பள்ளிகளின் ICT ஆய்வக மேம்பாட்டிற்கும் கல்வி அமைச்சுடன் (KPM) மேற்கொள்ளப்பட்ட ஆய்வின்படி, அரசாங்க உதவி பெறும் சில தமிழ்ப்பள்ளிகளில் (SJKT) முழுமையான மற்றும் செயல்படும் ஐசிடி (தகவல் மற்றும் தொடர்பியல் தொழில்நுட்ப) ஆய்வக வசதிகள் இல்லை என்பது கண்டறியப்பட்டுள்ளது. தமிழ்ப்பள்ளி மாணவர்களிடையே நிலவும் டிஜிட்டல் கல்வியறிவு இடைவெளியைக் குறைக்கவும், அதிக ஊடாடும் கற்றலை உறுதி செய்யவும், கல்வி அமைச்சின் ஒருங்கிணைப்பில் தேர்ந்தெடுக்கப்பட்ட 50 தமிழ்ப்பள்ளிகளின் ஐசிடி ஆய்வக வசதிகளை மேம்படுத்த RM5 மில்லியன் ஒதுக்கப்பட்டுள்ளது. RM20 மில்லியன் இந்து ஆலயங்களைச் சமூக மையங்களாக வலுப்படுத்தவும். இந்து ஆலயங்களைச் சமூக மையங்களாக மாற்றுவதற்கான தேசிய ஒற்றுமை அமைச்சின் KPN முன்மொழிவை அரசாங்கம் ஏற்றுக்கொண்டது.இந்து ஆலயங்களைச் சமூக சேவை மற்றும் நலன்புரி மையங்களாக வலுப்படுத்துவதற்காக, நாடு முழுவதும் பதிவு செய்யப்பட்ட 200 இந்து ஆலயங்களில் முன்னோடித் திட்டமாக ‘தர்ம மடானி’ (Dharma MADANI) திட்டம் செயல்படுத்த RM20 மில்லியன் நிதி ஒதுக்கப்பட்டுள்ளது. RM10 மில்லியன் தோட்டத் தொழிலாளர் வீடுகளின் பழுதுபார்க்கும் பணிகளுக்கும் பி40 பிரிவில் உள்ள இந்தியத் தோட்டத் தொழிலாளர்கள் இன்றும் வறுமையின் பிடியில் சிக்கித் தவிக்கின்றனர். அவர்களின் குறைந்த ஊதியம் குடும்ப வாழ்க்கையைத் தாங்குவதற்குப் போதுமானதாக இல்லை. பெரும்பாலான தோட்டத் தொழிலாளர்கள் சொந்த வீடுகள் இல்லாமல், மோசமான நிலையில் உள்ள நிறுவனத்திற்குச் சொந்தமான வீடுகளில் வசிக்கின்றனர். அவர்களின் வீட்டு வசதியை மேம்படுத்துவதற்காக, பிரதமர் துறையின் அமலாக்க ஒருங்கிணைப்புப் பிரிவுடன் (ICU, JPM) இணைந்து, பி40 இந்தியத் தோட்டத் தொழிலாளர்களின் வீடுகளைப் பழுதுபார்பதற்கும் கிட்டத்தட்ட RM1,000 வரை ஒற்றைப்படை நிதியுதவியாகRM10 மில்லியன் ஒதுக்கப்பட்டுள்ளது. மேற்கண்ட திட்டங்கள், பொருளாதார அமைச்சினால் நிர்ணயிக்கப்பட்ட மித்ரா திட்டங்களின் விரிவாக்கப்பட்ட எல்லைக்கு உட்பட்டவை. இந்தக் கூடுதல் திட்டங்களின் அமலாக்கத்துடன், 2025ஆம் ஆண்டிற்கான மொத்த RM100 மில்லியன் நிதி ஒதுக்கீட்டில், RM62.28 மில்லியன் (62.3%) வரை மித்ரா நிதி ஒதுக்கீட்டிற்கு ஒப்புதல் அளிக்கப்பட்டுள்ளது என்பது குறிப்பிடத்தக்கது.