ஜொகூர், ஜூன் 25-
ஜொகூர் மாநில சட்டமன்றக் கலைப்பு அரச மாளிகையின் “உத்தரவின்” பேரில் நடைபெற்றதாக டத்தோ டாக்டர் முகமது புவாட் சர்க்காஷி வெளியிட்ட அறிக்கை தொடர்பாக, ஜொகூர் மாநில ம.இ.கா தலைவர் ரவின் கிருஷ்ணசாமி காவல் துறையில் புகார் செய்துள்ளார். ஜொகூர் அம்னோ (UMNO) அரச நிறுவனத்தின் கட்டுப்பாட்டில் இருப்பதாகவும் டத்தோ டாக்டர் முகமது புவாட் சர்க்காஷி குற்றம் சாட்டியிருந்தார். இந்தக் குற்றச்சாட்டுகள் முற்றிலும் உண்மையானவை அல்ல என்பதை நான் வலியுறுத்துகிறேன். மேலும், இந்தத் தகவலை ஜொகூர் மந்திரி பெசார் டத்தோ ஒன் ஹபிஸ் காசி தனது ஊடக அறிக்கையில் ஏற்கனவே அதிகாரப்பூர்வமாக மறுத்துள்ளார். ஜொகூர் மந்திரி பெசாரின் விளக்கப்படி, ஜொகூர் மாநில சட்டமன்றக் கலைப்பானது 1895-ஆம் ஆண்டின் ஜொகூர் அரசாங்கத்தின் அரசியலமைப்புச் சட்டத்தின் பகுதி இரண்டு, பிரிவு 23-ல் உள்ள சட்ட நடைமுறைகளின் அடிப்படையிலேயே மேற்கொள்ளப்பட்டது. ஜொகூர் மாநிலத்தின் பொறுப்பு வகிக்கும் சுல்தானா துங்கு மக்கோத்தா இஸ்மாயில் அவர்களிடம் இந்த விஷயத்தை முன்வைத்து, அவரது அனுமதி பெற்ற பின்னரே இச்செயல்முறை செயல்படுத்தப்பட்டது. இந்த அனுமதி என்பது ஜொகூர் மாநில அரசியலமைப்புச் சட்டத்தின் ஒரு தேவையாகும்; இது அரசியல் விவகாரங்களில் தலையிடுவதோ அல்லது உத்தரவு பிறப்பிப்பதோ அல்ல. எனவே, ஜொகூர் அம்னோவின் அரசியல் விவகாரங்களில் அரச நிறுவனம் தலையிடுவதாகவோ அல்லது சட்டமன்றத்தைக் கலைக்க உத்தரவிட்டதாகவோ சித்தரிக்க முயற்சிக்கும் டத்தோ டாக்டர் முகமது புவாட் சர்க்காஷியின் செயல், மிகவும் கடுமையான மற்றும் தவறான பிரச்சாரமாகும். இது ஜொகூர் மாநிலத்தின் அரச அரசியலமைப்பு நிறுவனத்தின் பிம்பத்தைக் கெடுக்கும் ஒரு செயலாகும். நீதி நிலைநாட்டப்பட, காவல் துறை (PDRM) இவ்விவகாரம் குறித்து உடனடியாக விசாரணை நடத்தி நடவடிக்கை எடுக்க வேண்டும் என்று கேட்டுக் கொள்வதாக கெமெலா சட்டமன்ற தொகுதியில் போட்டியிடும் ரவின் குமார் கிருஷ்ணசாமி கேட்டுக் கொண்டார்.
