மூத்த மருத்துவர்கள் கைது! எம்.ஏ.சி.சி. விசாரணைக்கு முழு ஒத்துழைப்பு வழங்க சுகாதார அமைச்சு உறுதி

புத்ராஜெயா, செப்.4- பினாங்கில் கைது செய்யப்பட்ட
மூன்று மூத்த மருத்துவர்களுக்கு எதிரான விசாரணையில் முழு
ஒத்துழைப்பு வழங்க தாங்கள் தயாராக உள்ளதாக சுகாதார அமைச்சு
கூறியுள்ளது.

சொக்சோ எனப்படும் சமூக பாதுகாப்பு நிறுவனத்தின் நிரந்தர முடத்தன்மை
இழப்பீடு தொடர்பில் போலி கோரிக்கைகளை முன்வைக்கும் கும்பலுடன்
தொடர்பில் இருந்த சந்தேகத்தின் பேரில் அந்த மூன்று மருத்துவர்களும்
கைது செய்யப்பட்டதை தாங்கள் கவனத்தில் கொண்டுள்ளதாக அது
தெரிவித்தது.

அந்த மூன்று மருத்துவர்கள் கைது தொடர்பில் எம்.ஏ.சி.சி. மேற்கொள்ளும்
விசாரணைக்கு முழு ஒத்துழைப்பை வழங்க சுகாதார அமைச்சு எப்போதும்
தயாராக உள்ளதாக அது தெரிவித்துள்ளது.